Dard e dil ki dawa kare koi (Tarahi gazal on what's app group Bazm e Shayari)

• Dard e dil ki dawa kare koi

Khud ko mujh par fida kare koi

Dil ke zakhmo ko phir dukhane ko 
*Kyu kisi se gila kare koi*

Ab to tanhaiya bhi dasti hain
Hum se aa kar mila kare koi

Dasht e ulfat me kho gaya hu main
Ab to mujh ko nida kare koi

Waade milne ke sab hi karte hain
Kash sach me mila kare koi

Gam ke milne se toot jata hu
Mere gam se riha kare koi

Be wafai bhi khud hi kehti hai
Kash tujh se wafa kare koi

Mujh ko taweez koi pehna de
Sehre ulfat juda kare koi

Jhooti ulfat hi kar ke dikhlaye
Rasme ulfat adaa kare koi

Rab ki rehmat mile ATAAI ko
Is ki khatir dua kare koi

Dasht e ulfat = Mohabbato ka registan
Nida = Awaaz dena
Sehre ulfat = Mohabbat ka jadu