NASIHAT KE PHOOL 

Ye dunya char din ki hai faqat ye  qaid khana hai 
Imarat chhod kar sari zameen andar hi jana hai 

Gamo ke sath jeene ko mukaddar apna jano tum 
Sabar ke sath mere dost tujhe jannat me jana hai 

Jawani ek dhoka hai jawani me ibadat kar 
Dil e gumrah se nadan tera dozakh thikana hai 

Tere maa baap hain jannat tu un se pyar kar pyare 
Adab se bat kar un se gar tujhe jannat me jana hai 

ATAAI dhundh le rehbar bina rehbar nahi manzil
Pakad le hath murshid ka agar
manzil ko Pana hai  

Faqat = Sirf, Only 
Imarat = Ghar, building 
Rehbar = Rah dikhane wala, guide 
Murshid = Dharmik guru, spiritual guide