Taa'at ke ewaz zaat e khuda Mang raha hai (Tarahi gazal on what's app group Dayar e Gazal)

Taa'at ke ewaz zaat e khuda Mang raha hai
Har shakhs mohabbat ka sila Mang raha hai

Mujh se tu bichadne ki dua Mang raha hai
Diwana Khushi teri sada Mang raha hai

Ye Teri mohabbat me gunahgaar hai Kab se
Dil ab mohabbat ki Saza Mang raha hai

Jis Naaz se Awaz mujhe dete the jana
Ye gosh mere phir wo nawa Mang raha hai

Ya rab tu use ishq se mehroomi ataa kar 
Jo jism ki chahat ka maza Mang raha hai 

Ab Umr mohabbat me guzar jaaye usi ki 
Jo shakhs Ataai ki qazaa Mang raha hai 

Taa'at =Ibadat 
Ewaz = badle me
Naaz = Mohabbat 
Gosh= Kaan, ear 
Nawa= Awaz 
Mehroomi = door rakhna ya na dena 
Qazaa = Maut, death