Mere mehboob zara dard me Shiddat karna

Mere mehboob zara dard me Shiddat karna
Apne ehsaas ki had tak mujhe nafrat karna

Tum na ruthoge to aayegi qayamat kaise
Tum zara Ruth ke mujh pe qayamat karna

Mujh ko nafrat ke siwa tum ne diya hi kya hai
Main ne seekha hai faqat tum se mohabbat karna

Tere aane se ye dunya sanwarti hai meri
Ab to aao meri dunya ko bhi jannat karna

Ye namaze or ye roze or sajde jana
Sang tere hai mujhe rab ki ibadat karna

Ye ATAAI nahi Majnu nahi koi Farhaad
Ye to aashiq hai zara is pe inayat karna