Hota nahi kabhi bhi mere khwaab mukammal 
Wo aa jaye mere samne ba adaab mukammal 

Sar par rakhe wo aanchal adab se kare salam
Is haal me mile wo ke ho hijab mukammal 

Us ki nigahe shoq bhi Sharam se jhuki rahe 
Ye dekh kar mera dil rahe shadab mukammal 

Tareef kya karu main husn o jamaal ki
Do jheel si Ankhe hain lab hai gulab mukammal 

Us ke begair jeena mumkin nahi ATAAI 
Us ke begair dil hai betab mukammal 

Mukammal = Complete 
Ba adaab = With Respect, adab ke sath 
Hijab = Parda 
Shadab = Hara bhara, yaha par meaning hai khush hona