Mujh ko mehboob ki Yado me zara khone do 
Apni hasti ko mohabbat me fana Hone do 

Rat Guzri hai meri sirf un ki yaado me 
Mujh ko ek rat khwaabo me zara sone do 

Beej nafrat ka jo boya hai mere dilbar ne 
Mujh ko ab Beej mohabbat ka zara bone do

Ab to Guzre hue lamho ki ghata Chhai hai 
Ab judai me meri aankho ko zara rone do 

Bat banti bhi nahi bigadti bhi nahi hai yaaro
Is ATAAI ko ab mohabbat ki saza hone do