Dilo me kabhi nafrat to kabhi pyar rehta hai 
Mere lab per kabhi izhar kabhi inkar rehta hai 

Meri betabi ka aalam kya batau mere dilbar 
Main rehta hu Idhar mera dil us par rehta hai 

Main us namaz ko namaz e ishq Kehta hu 
Ke jis namaz me bas khayal e yaar rehta hai 

Mohabbat o adawat ka tera Andaz hai Acha 
Hatho me tere Phool to kabhi khar rehta hai 

Ishq ki manzilo me bhatak gaya hai ATAAI 
Aaj kal ishq se yeh bahot bezar rehta hai 

Khar = Kante